Vil til nabokommunen
Dele: Thormod Moi Felle (t.v.) og Kim Jørgen Berntsen vil dele Felle frå Nissedal kommune, slik at bygda kan høyre til Gjerstad i Aust-Agder.


På Felle i Nissedal kommune jobbar krefter for at bygda heller skal høyre til nabokommunen Gjerstad. Årsakene er stor misnøye med politiske vedtak og kommunal behandling.

Geir Ufs

På Felle var det innbyggjarar som reagerte kraftig då fleirtalet i kommunestyret i Nissedal torsdag sa ja til at to fellsingar får starte skulegangen i Gjerstad til hausten. Nissedal må betale nabokommunen 50.000 kroner per elev. I dag betaler Nissedal for barnehageplassar som fellsingar nyttar i Gjerstad og Åmli.
– For meg føyer kommunestyresaka om skulebyte seg inn i rekkja av det eg er misfornøgd med i Nissedal kommune. Eit anna døme er då skulen på Felle blei mellombels lagt ned. Eg meiner kommuneadministrasjonen gjorde mykje av arbeidet for at det skulle bli nedlegging. Administrasjonen motarbeidde demokratiet, seier Moi Felle.

Skule viktig for etablering
For få år sidan ynskte Kim Jørgen Berntsen å flytte frå Skien. Han og kona frå Felle vurderte mellom anna Drangedal, Kragerø og Felle i Nissedal kommune. Berntsen undra kva Nissedal kunne by på, og fekk mellom anna til svar skule på Felle. Seinare skulle det vise seg at grendeskulen blei mellombels lagt ned, og då hadde ekteparet alt etablert seg i bygda.
– Hadde det ikkje vore skule på Felle då me valde å byggje der, hadde me nok heller bygd hus i Gjerstad, seier Berntsen.
I byggjeprosessen hadde han dårlege opplevingar med plankontoret i Nissedal kommune. Han fortel at paret fekk tri avslag på byggjesøknaden.
– Kommunen sa til meg: «Kvifor flytte til Felle? Det er bustadtomter klare i Treungen». Men me ville bu på Felle fordi det er ei kjempebygd. Dessutan er det nær E 18 og heilt anna køyrekomfort når eg skal på jobben min i Porsgrunn, seier Berntsen.
Kommunen påpeika mellom anna at det planlagde huset på Felle var for høgt, og at området ikkje var ferdig regulert.
– Men det står som bustadområde i kommunedelplanen. Til slutt fekk eg beskjed av kommunen om å søkje dispensasjon. Då fekk eg ja til byggjesøknaden og følte plutseleg eg kunne byggje overalt på Felle, seier Berntsen.

– Krav om garasje
Paret hadde bestilt ferdighus frå Sverige, og det var sett leveringsdato. Denne måtte utsettast på grunn av avslaga på byggjeløyve.
– Før me bygde lova kommunen byggjetilskot på 30.000 kroner og fri tilkopling til ein verdi av 12.000 kroner. Då me endeleg fekk byggjeløyve hadde kommunen endra reglane slik av me mista både tilskotet og fri tilkopling, ristar Berntsen på hovudet.
Moi Felle og ein kamerat har bygd hus ved sida av kvarandre på Felle.
– Me blei båe pålagde av kommunen at me også måtte byggje garasje. Ein annan ting er at kommunen i tri år gløymde å sende meg og naboen rekning på kommunale avgifter. Me fekk etterrekning på 27.000 kroner kvar for desse åra, seier ein oppgjeven Moi Felle.
– Me føler at om me hadde bygd i Treungen hadde alt vore greitt, er han og Berntsen samde om.

Spreidde
På eit folkemøte på Felle i slutten av september sa kommunen seg glad for auken i folketalet.
– Her på Felle gjer kommunen det dei kan for at folk skal flytte ut, seier Berntsen.
Like etter folkemøtet fortel Moi Felle og Berntsen at det var semje blant fellsingane om at ein skulle søkje om å få oppvekstsenter med barnehage, skulefritidsordning og skule med 1. til 4. klasse. Så valde to foreldrepar på Felle å søkje kommunen om at to barn heller får gå på skulen i nabokommunen. Dei ynskte ikkje at barna skulle gå på ein liten skule på Felle, der det ville blitt to fyrsteklassingar til hausten om tilbodet blei opna att.
– Dei som har gjort den store feilen i skulebytesaka er fleirtalet i kommunestyret, er Moi Felle og Berntsen klare på.
– Søknadene om skulebyte skulle ikkje blitt handsama før det var avgjort om det kjem oppvekstsenter på Felle. No blir unge fellsingar spreidde over alt; til Gjerstad, Åmli og Treungen, og det går ut over samhaldet på Felle, seier duoen.
– Med kommunestyrevedtaket har dei sagt at Felle ikkje skal høyre til Nissedal, legg Moi Felle til.

Byggje godt samfunn
Både han og Berntsen etterlyser at kommunen gjer meir på Felle enn å drifte 2,5 kilometer veg.
– Kommunen må sjå på alderssamansettinga og kva potensiale som ligg på Felle. Politikarane må innsjå at ein må vere med og byggje eit godt bygdesamfunn her, seier dei.
– Eg er så lei no og har så lita tru på at Felle får støtte frå kommunen at eg meiner bygda heller må til Gjerstad kommune. Det beste for Felle er at bygda ikkje er ein del av Nissedal, seier Moi Felle.
– Det er ein stor fordel å bruke Gjerstad, for det er ein veldig driftig og offensiv kommune, seier Berntsen.
Etter kommunestyremøtet torsdag tok Moi Felle kontakt med ordføraren i Gjerstad med mål om at Felle kan bli ein del av Aust-Agderkommunen.
– Ordføraren var på ingen måtar avvisande til det. Fellsingane har vore stolte av å vere telemarkingar, og derfor har me ikkje tidlegare søkt om å få høyre til Gjerstad. No har eg snakka med veldig mange fellsingar om å høyre til Gjerstad, og bare ein person var imot, seier Moi Felle.

– Formalitet
Han trur at om ein får til folkeavrøysting i saka, og det er nok med fleirtal, bør det vere ein formalitet å få høyre til Gjerstad kommune.
– Me trur det alt no er 50 prosent av dei 130 innbyggjarane på Felle som kan tenkje seg å høyre til Gjerstad, seier Moi Felle og Berntsen.
– Blir det oppvekstsenter inkludert skule for 1. til 4. klasse på Felle om bygda høyrer til Gjerstad?
– Om det så ikkje blir er Gjerstad mykje greiare å reise til enn Treungen for skulegang. Og oppvekstsenter skal me ha, same om me høyrer til Nissedal eller Gjerstad, svarar Moi Felle.
Han var ikkje einig med søknadene dei to foreldrepara sende om skulebyte, men vil no alliere seg med desse para med tanke på arbeidet for å få Felle inn i Gjerstad.
– Gjerstad kommune har sagt dei vil bli ein del av Telemark. Det ideelle blir at Felle kjem til Gjerstad, som igjen høyrer til Telemark, avsluttar Moi Felle.

Kjenner seg ikkje att
Plansjef Sveinung Seljås i Nissedal kommune kjenner seg ikkje att i påstandane frå dei to fellsingane når det gjeld byggjeprosessane.
– Berntsen fekk ikkje eit einaste avslag på byggjesøknad, men behandlinga blei utsett fordi det ikkje var laga reguleringsplan. 12. juni 2009 mottok kommunen byggjesøknaden og svara like etter at det var manglar på teikninga og mangla kontrollerklæring. 9. juli oppdaga kommunen at det ikkje var reguleringsplan for området, og bad om at det blei søkt dispensasjon for bustadtomta. På grunn av ferie blei saka ikkje avgjort før 1. september, og byggjeløyvet blei gjeve 14 dagar etterpå. Ingen ting tilseier at me kunne gjort noko kjappare i denne saka, seier Seljås.
Grunneigaren for området på Felle søkte i 2006 om dispensasjon for to bustadtomter i same området, og fekk eit ja. Tri år etter var det framleis ikkje godkjent reguleringsplan, og det gjekk ut over Berntsen.
Elles beklagar Seljås eit kommunalt vedtak som kunne tolkast som at det måtte byggast garasje for å ha bodareal det ikkje var plass til i huset. Kommunen trudde det var vilkår om minst fem kvadratmeter bodareal, men det viser seg ikkje å vere rett. Seljås meiner det her er snakk om ein bustad på Felle på dette punktet.
Seljås seier tri års krav om kommunale avgifter hadde samanheng med at kommunen ikkje hadde fått ferdigattest på husa. Det var ved ferdigattest krav blei sendt ut på den tida. Vidare seier Seljås at kommunen alltid har sagt at folk må betale låg påkoplingsavgift, ingen slepp den. Elles var det ikkje bare på Felle bustadtilskotet forsvann, men for alle nye hus i heile kommunen.
– Det er beklageleg om nokon her i kommunen har sagt at ein kan byggje i Treungen i staden for på Felle, seier Seljås, og presiserer at kommunen ynskjer husbygging velkomen i alle grendene.

Etterlyser gode argument
Nissedalordførar Halvor Homme sit med godt samvit etter at han var med og vedtok skulegang i nabokommunen for to fellsingar.
– Det er viktig at familiane på Felle har det best mogleg, og dei må velje det beste alternativet for seg sjølve, seier Homme.
Han føler at kommunen gjer det dei kan for Felle, og viser til at hyttebygging der er godkjent av politikarane som eit satsingsområde. Vidare bruka kommunen i fjor fem millionar kroner på vassverk på Felle.
– Er det grunnlag for barnehage og skulefritidsordning på Felle, går eg for det. Men eg har ikkje tru på skuledrift der. Og det er utopi å tru det blir skule på Felle om bygda høyrer til Gjerstad. Eg manglar gode argument om kva folk på Felle vil tene på å flytte til Gjerstad, og eg er i utgangspunktet skeptisk til at nissedølar skal over til annan kommune. Eg trur nokon høge røyster på Felle overdøyver alle andre, seier ordføraren.
Elles legg han til at politikarane i Nissedal kommune er svært opptekne av at folk skal få byggje der dei vil. Vidare tek ordføraren initiativ til eit folkemøte på Felle rett på nyåret. Der ynskjer han ein god dialog om kva kommunen kan gjere for at Felle skal bli endå meir attraktiv.

Avviser ikkje fellsingane
Gjerstadordførar Kjell Trygve Grunnsvoll stadfestar at han har blitt kontakta av Thormod Moi Felle.
– Eg kan ikkje avvise fellsingane, men kan ikkje gå aktivt inn og ta imot dei. Det må kome lokalt initiativ. Det gjenstår å sjå kor sinna dei er på Felle, seier Grunnsvoll rundt saka om det vil kome ein søknad om overflytting.
– Vil Gjerstad over til Telemark?
– Det er ikkje aktuell problemstilling akkurat no, svarar Grunnsvoll.
I ei folkeavrøysting i haust sa 65 prosent i Aust-Agder nei til ei samanslåing med Vest-Agder. I Gjerstad sa heile 83 prosent nei til ei slik løysing. Etterpå har fleire kommunar vest i Aust-Agder søkt om å høyre til Vest-Agder.
– Får desse kommunane lov til det har eg sagt at då er det aktuell problemstilling for Gjerstad å gå inn i Telemark, seier Grunnsvoll.


Artikkelen er publisert 22/12-2011

Rosar kommunen for utviklinga


Lei sutringa: Torleif Skåli meiner folk må slutte å sutre, og synest kommuneadministrasjonen har behandla Felle bra. (Arkivfoto)


Torleif Skåli (74) meiner kommuneadministrasjonen har vore med og redda utviklinga på Felle. Han bed fellsingar å slutte med sutringa.

Geir Ufs

Rett før jol hadde VTB ei sak der fellsingane Thormod Moi Felle og Kim Jørgen Berntsen sa dei meinte bygda burde høyre til Gjerstad i staden for Nissedal. Årsakene var stor misnøye med politiske vedtak og kommunal handsaming.
– Eg blei så sinna på dei to for oppslaget, for det var usakleg, seier Torleif Skåli.
Det så og seie einaste han ikkje blei harm på, var temaet om nærmiljøskulen som er mellombels lagt ned.
– Eg må gje dei to karane rett i at skulesaka på Felle kom skeivt ut. Det skapte mykje harme mot kommuneadministrasjonen og politikarane, men det roar seg, seier Skåli.

Tolmod
Han meiner det ikkje er grunn til å angripe kommunen slik Moi Felle og Berntsen gjorde, og seier han ikkje er aleine om det synet. Fleire fellsingar har oppmoda Skåli om å svare på oppslaget frå dei to misfornøgde karane.
– Er det noko grend som har blitt betre behandla enn andre frå kommuneadministrasjonen si side, er det Felle. Her har somme bygd fyrst og fått tilgjeving av administrasjonen etterpå. Administrasjonen har vore med og redda utviklinga på Felle, og vist usedvanleg tolmod. Med den velvilja kommunen har vist dei seinare åra; lagt til rette for næringsutvikling med mykje hytteutbygging, bør gode og ikkje sure ord takast i bruk, meiner Skåli.
– Elles var det godt plansjefen korrigerte saka om dei to fellsingane som var så misfornøgde, legg han til.
Skåli ristar på hovudet av at Moi Felle og Berntsen trur det alt no er 50 prosent av dei 130 innbyggjarane som kan tenkje seg å høyre til Gjerstad.
– Dette synet er stikk imot informasjonen eg sit med. Når eg er på butikken og snakkar politikk er det søren så rart at eg ikkje har treft på dei som vil over til Gjerstad. Eg trur det er toppen 10 personar på Felle som kan tenkje seg å byte kommune, seier Skåli.
– Den einaste lysta til at Gjerstad skulle ville ha Felle er ikkje på grunn av folka, men det store arealet. Og det er ikkje ubetydeleg. Felle blir ein utkant anten me høyrer til Nissedal eller Gjerstad. Då må me oppføre oss deretter, slik at me ikkje får administrasjonen og politikarane imot oss, held han fram.

Bli ferdige
På same tid som Skåli vil ynskje folk godt nytt år, har han eit håp om at Felle igjen blir som for rundt 10 år sidan; ei bygd med godt samhald. Når det gjeld samhald, tenkjer han på ei anna sak; det har blitt sett opp skilt i bygda av nokon som ikkje vil ha meir hyttebygging.
– Det er ting som tyder på at bygdedyret har kome til grenda. Men det har eg vanskeleg for å tru, for det er veldig mange gilde folk på Felle. Eg trur heller det er det «trihovudet trollet» som dukka opp her for nokre år sidan. No har det kome tilbake for å gjere meiningane sine til kjenne på store tavler og utan underskrift! Fordelen med troll er at, i fylgje eventyra våre, toler dei ikkje dagslys, for då sprekk dei, seier Skåli.
– Folk må bli ferdige med saker og slutte å sutre i eininga. Ikkje alle kan få det slik dei vil, for då går det ikkje an å lage eit samfunn. Slik er det bare, avsluttar Torleif Skåli.


Artikkelen er publisert 03/01-2012

Lenke

I dag åpner landets kanskje mest eksklusive hotell sine telt i Heimdalsheia i Nissedal. Canvas Hotel er basert på nomadetelt med flyttbare vedovner og badekar. Prisen for et døgn i herligheten beløper seg til 5000 kroner.
- Vi bør ikke forklare gjestene våre at det ikke er tv på rommet. Konseptet er spesielt rettet mot kunder i næringslivet som ønsker seg en spesiell opplevelse, der natur og sykling står i fokus, forklarer Jan Fasting.

NOMADETELT

Fasting er eier av det spesielle hotellkonseptet sammen med grunneier Per Kveim fra Nissedal og investor Øyvind Lie fra Oslo. Fasting er fra Arendal og kjent fra serien «71 grader nord» på TV Norge i 2006, der han blant annet la til rette for terrengsykling i Nissedal. Langt inne på Heimdalsheia, i det området der ferdselsveien mellom Treungen og Uvdalen gikk i tidligere tider, nærmere bestemt ved Øytjønnane, har det reist seg åtte såkalte yurter. En yurt er en slags lavvo med canvasduk trukket over tak- og veggspiler. Yurtene er hevet opp fra bakken og står på en platting for å unngå slitasje på sårbar mark. De teltlignende konstruksjonene er bardunert til fjellet, og de er innredet med senger og vedovn. Opprinnelig var det nomader i Asia som brukte yurt.

TERRENGSYKLING

Det er den flotte naturen, og ikke minst de glattskurte og slake fjellpartiene i Nissedal, som brakte Canvas Hotel til bygda. Området egner seg svært godt til terrengsykling.

- I dette området kan vi lage Europas beste sykkelsti i sitt slag, skryter Fasting. Han ser for seg mil etter mil med stier for terrengsykling. Et samarbeid med kommunen og fylkeskommunen er allerede kommet i gang.

- Terrenget ligger der, det handler om å styre unna de mest sårbare områdene. Dette kan bli en ny næring, sier Jan Fasting.

Han sier at sykkelsporten er i en eksplosiv vekst både i utlandet og her hjemme. Mens mange skianlegg i utlandet sliter med å trekke nok folk, er det syklister som tar over markedet.

EKSKLUSIVT

Hotellet i Nissedal , som har 24 senger, retter seg spesielt mot næringslivet her hjemme og enkelte utenlandske turister. For en døgnpris på 5000 kroner får kundene eksklusiv mat fra egen kokk. En guide følger med på sykkelturen. Overnattingen skjer i isolerte yurter med solide tregulv. Fra en av yurtene kan du ta badstu og hoppe rett i vannet. Hvis du foretrekker å slumre i et varmt bad utendørs, får du ditt eget badekar. Det er langt mer hygienisk enn å fylle opp en badestamp med flere personer, mener Fasting. Sammen med kompanjongene har han investert nær tre millioner kroner i prosjektet. Teltleieren skal være i drift mellom mai og oktober.

IKKE ET BYGGVERK

Siden en yurt ikke blir sett på et som et byggverk etter plan- og bygningsloven, er dispensasjonen fra Nissedal kommune bare vurdert opp mot arealbruken. Formannskapet mener at bruken ikke kommer i konflikt med friluftsloven og allmennhetens interesser.

I dag vil ordfører Anne-Nora Oma Dahle være med åpningsfesten, men bare en avis som utgis i hovedstaden har fått den eksklusive retten til å lage den første reportasjen. Foreløpig gjelder kommunens tillatelse for sykkelcampen i to år. Søkerne tar høyde for at det kan bli aktuelt å demontere yurtene på høsten og sette dem opp i andre deler av landet i vinterhalvåret.

Felle-kroa - en nostalgisk atmosfære I ukedagene står det gatekjøkken-mat. Når helgen kommer suppleres det med middag og andre retter. Kroa har også skjenkeløyve for øl og vin. Hva med en rykende varm, fersk pizza den første kvelden på hytta? Ring og bestill i for- kant og betjeningen har den klar til avtalt tid. Går alt etter planen, vil det før påske også være en uteplass til servering. Daglig driver er Hege Pedersen. I lokalet vegg i vegg med Felle Landhandel, der den tidligere gavebutikken “Rypesekken” holdt til, fi nner du nå Felle-kroa. I en nostalgisk og hyggelig atmosfære kan du nå sitte ned for en kopp kaffe eller et måltid. Benytt anledningen enten i forbindelse med et besøk i butikken, eller en tur ned til bygda for å bli bedre kjent med lokal befolkningen. : Av Helene Larsen Åpningstidene pr. dags dato er:
Onsdag: 17.00 - 21.00 Fredag: 17.00 - 24.00 Lørdag: 15.00 - 24.00 Søndag: 14.00 - 21.00 Åpningstider og meny kan bli forandret - følg med på Lenke#!/pages/Felle-Kro-og-Landhandel-AS/117860531620942 eller oppslag på Kroa og Felle Landhandel. Tlf: 98010721, brukes ved bestilling av mat og andre tjenester Felle-kroa leverer.